FIFA JCH-2022 saralashi doirasidagi Braziliya va Argentina terma jamoalari o‘rtasidagi o‘yin bo‘yicha qaror qabul qildi.
O‘tgan yilning sentabr oyida bo‘lib o‘tgan uchrashuv muddatidan oldin to‘xtatilgan edi. O‘yin boshida maydonga sog‘liqni saqlash va polisiya xodimlari kirib kelishdi. Braziliya rasmiylari Argentina terma jamoasi futbolchilari Kristian Romero, Emiliano Buendiya, Emiliano Martines va Jovanni Lo Chelso Braziliya chegarasini qoidabuzarlik bilan kesib o‘tishgan, polisiya esa futbolchilarni mehmonxonada ushlashga ulgurmagan, deb hisobladi.
Bu o‘yinchilarning barchasi ingliz klublarida o‘ynashgan, shuning uchun ular mamlakatga kirgandan keyin karantinda qolishga majbur bo‘lishdi, biroq o‘yinchilar Buyuk Britaniyada uzoq vaqt bo‘lmaganliklarini da’vo qilishdi.
FIFA Braziliya va Argentina terma jamoalarini 800 000 shveysariya franki miqdorida jarimaga tortish va o‘yinni qayta o‘tkazish (tashkilot sana va joyni keyinroq e’lon qiladi) haqida qaror chiqardi. Bundan tashqari, FIFA Romero, Buendiya, Martines va Lo Chelsoni FIFA protokoliga rioya qilmagani uchun ikki o‘yinga diskvalifikasiya qildi.