Turkiyaning Antaliya shahrida qishki yig‘inini davom ettirayotgan Bekobodning “Metallurg” jamoasi bugun Daniyaning besh karra chempioni – “Vayle U-19” jamoasi bilan nazorat uchrashuvini o‘tkazdi va 3:1 hisobida g‘alaba qozondi.
Mazkur uchrashuvda jamoa bosh murabbiyi Luisma Ernandes avvalgi ko‘rik o‘yinlarida kamroq o‘yin amaliyotiga ega bo‘lgan futbolchilarga imkoniyat berdi.
O‘yin bekobodlik futbolchilarning to‘liq ustunligi ostida o‘tdi. Bu esa yakuniy hisobda ham o‘z aksini topdi. E’tiborga molik jihati, Daniya yoshlari darvozasiga gollarning ikkitasini “Metallurg”ning 19-yoshli yarim himoyachisi Shahzodjon Ne’matjonov kiritdi. Yana bitta gol klubiga yangi qabul qilingan iqtidorli hujumchi Jasur Ashurov hisobiga yozildi.
Ertaga “Metallurg” Turkiya safaridagi so‘nggi ko‘rik uchrashuvini o‘tkazadi. Bu galgi raqib Gruziya chempionatining so‘nggi bronza medali sovrindori “Dila” (Gori) jamoasi bo‘ladi.
Nazorat uchrashuvi
15.02.2022 yil
“Vayle U-19” (Daniya) - “Metallurg” (O‘zbekiston) – 1:3
Gol: Shahzodjon Ne’matjonov (22, 82), Jasur Ashurov (57).
“Metallurg”: Akmal Ortiqov, Xudoyshukur Sattorov, Hakimxon Alamxonov, Odilbek Abdumajidov, Ergash Ismoilov, Ixtiyor Toshpo‘latov, Muhammad Isayev, Jasur Ashurov, Shahzodjon Ne’matjonov, Shohnazar Norbekov, Zohid Abdullayev.
Zaxira: Aleksandr Lobanov, Abbos Otaxonov, Abrorbek Toshqo‘ziyev, Farrux Ibrohimov, Farxod Bekmurodov, Damir Temirov, Muhammadali Aliqulov, Ibrohim Ibragimov, Salamat Quttiboyev, Zabixillo O‘rinboyev, Shahzodbek G‘ofurbekov, Fozil Musayev.
