«Real» bosh murabbiyi Karlo Anchelotti jamoasining Chempionlar ligasida g‘alaba qozonish imkoniyatlari haqida gapirdi.
«PSJga (0:1) qarshi o‘yindan keyin klubdagi barcha bilan bo‘lgani kabi men ham prezident bilan gaplashdim. Rahbariyat ham qolganlar kabi azob chekdi. Natija bizning muammolarimizdan yaxshiroq. Sababi bizning o‘sha kungi o‘yinimiz juda yomon edi.
Tanqid o‘rinli, chunki biz noto‘g‘ri ish qildik. Birinchi tanqidlar menga yog‘iladi va men mas’uliyatni o‘z zimmamga olaman. Biz nima bo‘lganini tushunishimiz va undan saboq olishimiz kerak. Ba’zi tanqidlar adolatli, ba’zilari esa safsata.
Biz hech qachon Chempionlar ligasini yutamiz deb aytmaganmiz. Ammo biz kurasha olamiz va uch haftadan keyin yana «PSJ» bilan yana jang qilamiz», - deya Anchelotti so‘zlarini keltiradi Marca.
15 fevral, seshanba kuni Madridning «Real» klubi Chempionlar ligasi 1/8 finali birinchi o‘yinida «PSJ»ga imkoniyatni boy berdi (0:1). Yagona golga Kilian Mbappe mualliflik qildi. Madridliklar o‘yin davomida darvoza tomon birorta ham zarba yo‘lamadi.
