«Реал» бош мураббийи Карло Анчелотти жамоасининг Чемпионлар лигасида ғалаба қозониш имкониятлари ҳақида гапирди.

«ПСЖга (0:1) қарши ўйиндан кейин клубдаги барча билан бўлгани каби мен ҳам президент билан гаплашдим. Раҳбарият ҳам қолганлар каби азоб чекди. Натижа бизнинг муаммоларимиздан яхшироқ. Сабаби бизнинг ўша кунги ўйинимиз жуда ёмон эди.

Танқид ўринли, чунки биз нотўғри иш қилдик. Биринчи танқидлар менга ёғилади ва мен масъулиятни ўз зиммамга оламан. Биз нима бўлганини тушунишимиз ва ундан сабоқ олишимиз керак. Баъзи танқидлар адолатли, баъзилари эса сафсата.

Биз ҳеч қачон Чемпионлар лигасини ютамиз деб айтмаганмиз. Аммо биз кураша оламиз ва уч ҳафтадан кейин яна «ПСЖ» билан яна жанг қиламиз», - дея Анчелотти сўзларини келтиради Маrcа.

15 февраль, сешанба куни Мадриднинг «Реал» клуби Чемпионлар лигаси 1/8 финали биринчи ўйинида «ПСЖ»га имкониятни бой берди (0:1). Ягона голга Килиан Мбаппе муаллифлик қилди. Мадридликлар ўйин давомида дарвоза томон бирорта ҳам зарба йўламади.