«Manchester Siti»ning hujumkor yarim himoyachisi Jek Grilish «Tottenxem»ga qarshi o‘yinda jamoasiga yordam bermaydi. Bu haqda bugungi matbuot anjumanida «shaharliklar» bosh murabbiyi Xosep Gvardiola gapirdi.
«Men shifokor emasman, shuning uchun Jek jarohatidan qachon tuzalishini bilmayman. Albatta, ertaga u maydonga tushmaydi», - deydi Gvardiola.
«Manchester Siti» - «Tottenxem» uchrashuvi 19 fevral kuni «Etihad» stadionida bo‘lib o‘tadi. O‘yin Toshkent vaqti bilan 22:30 da boshlanadi.