«Napoli» himoyachisi Jovanni Di Lorensoning agenti bo‘lgan Mario Jufredi «Atletiko Madrid» italiyalik futbolchini sotib olishni xohlayotganini aytdi. Agentning qo‘shimcha qilishicha, «matraschilar» Jovanni uchun taxminan 25-30 million yevrogacha to‘lashga tayyor.
«Agar sizda 22 yoki 23 yoshli futbolchingiz bo‘lsa, takliflarni rad etishingiz mumkin, lekin u 26-27 yoshda bo‘lsa, qabul qilishingiz kerak. Agar men klubni boshqarganimda shunday qaror qabul qilgan bo‘lardim. «Napoli» Di Lorensoni 25-30 million yevroga sotishi mumkin. «Atletiko Madrid» unga har doim qiziqib kelgan va tez orada taklif jo‘natishi mumkin», - deya fikr bildiradi agent.
Eslatib o‘tamiz, joriy mavsumda Di Lorenso Italiya chempionatida 25 ta o‘yin o‘tkazib, bitta gol va 1 golli uzatmaga mualliflik qilgan.
