«Manchester Yunayted» bosh murabbiyi Ralf Rangnik o‘zi va Ronaldu o‘rtasidagi mojaro haqidagi mish-mishlar fonida jamoa ichidagi vaziyat haqida gapirdi. Mutaxassisning fikricha, hozir jamoadagi muhit uning kelishidan oldingidan ancha yaxshi.

"Jamoamizda hech qanday bo‘linish yo‘q, shuning uchun jamoa atrofidagi mish-mishlar meni mutlaqo tashvishga solmaydi. Ha, yanvar oyida ba’zi o‘yinchilar xursand bo‘lishmadi, ammo hozir muhit men kelishimdan oldingi holatdan ancha yaxshi.

Mish-mishlarga etibor bermayman - mening vazifam futbolchilarni tayyorlash. Albatta, tarkibga boshqalarga qaraganda kamroq tushadigan va yanvarda jamoani tark etishni hohlovchi futbolchilar norozi bo‘lishga haqli. Mening vazifam muvozanatni topishdir.

Hozir o‘yinni yaxshilash va har bir o‘yinda g‘alaba qozonish muhim hamda har bir mish-mishlarga javob berish ahmoqlikdir."— dedi Rangnik Sky Sports bilan suhbatda.