«Манчестер Юнайтед» бош мураббийи Ралф Рангник ўзи ва Роналду ўртасидаги можаро ҳақидаги миш-мишлар фонида жамоа ичидаги вазият ҳақида гапирди. Мутахассиснинг фикрича, ҳозир жамоадаги муҳит унинг келишидан олдингидан анча яхши.
"Жамоамизда ҳеч қандай бўлиниш йўқ, шунинг учун жамоа атрофидаги миш-мишлар мени мутлақо ташвишга солмайди. Ҳа, январь ойида баъзи ўйинчилар хурсанд бўлишмади, аммо ҳозир муҳит мен келишимдан олдинги ҳолатдан анча яхши.
Миш-мишларга этибор бермайман - менинг вазифам футболчиларни тайёрлаш. Албатта, таркибга бошқаларга қараганда камроқ тушадиган ва январда жамоани тарк этишни ҳоҳловчи футболчилар норози бўлишга ҳақли. Менинг вазифам мувозанатни топишдир.
Ҳозир ўйинни яхшилаш ва ҳар бир ўйинда ғалаба қозониш муҳим ҳамда ҳар бир миш-мишларга жавоб бериш аҳмоқликдир."— деди Рангник Sky Sports билан суҳбатда.
