Londonning "Chelsi" klubi bosh murabbiyi Tomas Tuxel jamoaning mavsumning qolgan qismidagi asosiy vazifasini aytdi.
"Premyer-liga peshqadamidan 16 ochko farqi biz xohlagan va o‘zimizdan talab qiladigan narsa uchun juda ko‘p, ammo bu haqiqat va real yondashuv zarur. Premyer-ligada g‘alaba qozonish haqida o‘ylaganimizda sarosimaga tushmasligimiz kerak, shunga qaramay, hozir biz kuchli 4lik uchun kurashda ekanimizni tushunishimiz kerak, bu umuman Premyer-ligada juda muhim.
Mavsum oxirida siz orqaga qarab, nima uchun bunday bo‘lganligi haqida o‘ylashingiz va nimanidir yaxshilashga harakat qilishingiz mumkin. Albatta, siz buni mavsum davomida ham yaxshilanishga harakat qilishingiz mumkin va biz shunday qilyapmiz, ammo hozir asosiy e’tibor real yondoshishga qaratilishi kerak, chunki biz kuchli to‘rtlik uchun kurashamiz", dedi Tuxel "Chelsi" rasmiy saytiga.
"Chelsi" 24 o‘yindan keyin 47 ochko bilan APL turnir jadvalida uchinchi o‘rinda bormoqda. Peshqadam "Manchester Siti" 25 uchrashuvda 63 ochkoga ega.
