“Barselona” himoyachisi Serjinyo Dest faoliyatini Fransiya 1-ligasida davom ettirishi mumkin. “Monako” 21 yoshli futbolchining xizmatlariga qiziqish bildirmoqda, deb xabar beradi Sport.es.
Manbaga ko‘ra, monegasklar vakillari allaqachon transfer masalasini muhokama qilish uchun Barselonaga uchib ketishgan. Kataloniyaliklar amerikalik futbolchini 20 million yevroga sotishga tayyor, biroq futbolchining o‘zi “Barselona”ni tark etishni istamayapti.
Ma’lumot uchun, Dest ispan jamoasiga 2020 yil oktyabr oyida “Ayaks”dan 21 million yevro evaziga kelib qo‘shilgan edi. Joriy mavsumda amerikalik futbolchi Ispaniya La Ligasining 15ta uchrashuvida 3ta golli uzatmani amalga oshirgan.
