“Барселона” ҳимоячиси Сержиньо Дест фаолиятини Франция 1-лигасида давом эттириши мумкин. “Монако” 21 ёшли футболчининг хизматларига қизиқиш билдирмоқда, деб хабар беради Sport.es.

Манбага кўра, монегасклар вакиллари аллақачон трансфер масаласини муҳокама қилиш учун Барселонага учиб кетишган. Каталонияликлар америкалик футболчини 20 миллион еврога сотишга тайёр, бироқ футболчининг ўзи “Барселона”ни тарк этишни истамаяпти.

Маълумот учун, Дест испан жамоасига 2020 йил октябрь ойида “Аякс”дан 21 миллион евро эвазига келиб қўшилган эди. Жорий мавсумда америкалик футболчи Испания Ла Лигасининг 15та учрашувида 3та голли узатмани амалга оширган.