Angliya Premyer-ligasining 26-turi doirasida “Tottenxem” safarda “Manchester Siti”ni mag‘lub etdi. Uchrashuv Manchester shahridagi “Etihad” stadionida bo‘lib o‘tdi va 3:2 hisobida mehmonlar foydasiga hal bo‘ldi.

Angliya chempionatining joriy mavsumida "shporlar" Londondan tashqarida hali mag‘lubiyatga uchramagan. Antonio Konte jamoasi 23 o‘yinda 8 ta mag‘lubiyat alamini totib ko‘rgan bo‘lsa, bularning barchasi Londonda qayd etilgan. "Tottenxem" o‘z maydonida to‘rt marta ("Chelsi", "Manchester Yunayted", "Sautgempton" va "Vulverxempton"dan), yana to‘rt marta London jamoalari bilan ("Chelsi", "Arsenal", "Kristal Pelas" va "Vest Xem") mehmon o‘yinlarida mag‘lub bo‘ldi. Qolgan 15 uchrashuvda “shporlar” 12 ta g‘alaba va 3 ta durang qayd etgan.

Ma’lumot uchun, "Tottenxem" hozirda 39 ochko to‘plagan holda APL turnir jadvalida 7-o‘rinda bormoqda.