"Milan" va Shvesiya terma jamoasi hujumchisi Zlatan Ibrahimovich faoliyatini davom ettirish haqida gapirdi.
"Ibra qachon to‘xtashni o‘zi hal qiladi. Ko‘pchilik karyeramni yakunlayotganimni aytishadi, lekin baribir o‘zimni kuchli his qilaman. Men qilayotgan ishimga ishonchim komil. Qanchalik uzoqqa borishimni bilmayman, lekin men har doim o‘sib borishga harakat qilaman. Yaxshiroq bo‘lishingiz mumkin ekan, nega oddiy bo‘lishingiz kerak?
"Barselona"da bo‘lganimda o‘zimni baxtli his qilmaganman. Men adrenalinni sog‘indim. "Milan"ga qaytganimdan xursand bo‘ldim", - deya Ibragimovichning so‘zlarini keltiradi Ispaniyaning Marca nashri.
Eslatib o‘tamiz, 40 yoshli Ibrahimovich Italiya A seriyasining joriy mavsumida 15 ta o‘yinda 8 ta gol urdi va 2 ta golli uzatmani amalga oshirdi. Shuningdek, u Chempionlar ligasining 4 ta o‘yinida qatnashib, samarali harakatlarini amalga oshira olmadi.
