"Милан" ва Швеция терма жамоаси ҳужумчиси Златан Ибраҳимович фаолиятини давом эттириш ҳақида гапирди.
"Ибра қачон тўхташни ўзи ҳал қилади. Кўпчилик карьерамни якунлаётганимни айтишади, лекин барибир ўзимни кучли ҳис қиламан. Мен қилаётган ишимга ишончим комил. Қанчалик узоққа боришимни билмайман, лекин мен ҳар доим ўсиб боришга ҳаракат қиламан. Яхшироқ бўлишингиз мумкин экан, нега оддий бўлишингиз керак?
"Барселона"да бўлганимда ўзимни бахтли ҳис қилмаганман. Мен адреналинни соғиндим. "Милан"га қайтганимдан хурсанд бўлдим", - дея Ибрагимовичнинг сўзларини келтиради Испаниянинг Маrcа нашри.
Эслатиб ўтамиз, 40 ёшли Ибраҳимович Италия А сериясининг жорий мавсумида 15 та ўйинда 8 та гол урди ва 2 та голли узатмани амалга оширди. Шунингдек, у Чемпионлар лигасининг 4 та ўйинида қатнашиб, самарали ҳаракатларини амалга ошира олмади.
