Londonning "Tottenxem" klubi sobiq futbolchisi Jeymi O'Xara "Manchester Yunayted" bosh murabbiyi Ralf Rangnikni maktab o‘qituvchisiga tenglashtirdi.
O'Xaraning fikricha, Rangnik "Manchester Yunayted" futbolchilaridan yaxshi jamoa shakllantira olmayapti, chunki Ralfni kiyinish xonasida hech qanday hurmati yo‘q.
"Menga Ralf mutlaq firibgardek tuyuladi. U "MYU"da nima qilayotganini tushunmayman. U maktab o‘qituvchisiga o‘xshaydi. Unga o‘xshagan odam meni bolalikdagi murabbiyim edi.
Futbolchilar bu odamga to‘g‘ri qarashmayapti. Hatto uni maydon chetida tomosha qilish ham kulguli. Men "Manchester Yunayted"da hech qachon bunday narsani ko‘rmaganman. Rangnik butunlay aqlsiz ko‘rinmoqda, butunlay yo‘qolgandek ko‘rinmoqda, futbolchilar esa o‘z murabbiylariga ishonmaydi.
Buni ularning maydondagi hatti-harakatlaridan ham bilib olsa bo‘ladi. Futbolchilar hatto o‘zlariga ham ishonishmayapti. Ularga haqiqiy murabbiy kerak, top-saviyadagi murabbiy kerak va shunda ularning o‘yinida o‘sish bo‘ladi, natija bo‘ladi", — dedi O'Xara talkSPORT bilan suhbatda.
