Лондоннинг "Тоттенхэм" клуби собиқ футболчиси Жейми О'Хара "Манчестер Юнайтед" бош мураббийи Ральф Рангникни мактаб ўқитувчисига тенглаштирди.

О'Харанинг фикрича, Рангник "Манчестер Юнайтед" футболчиларидан яхши жамоа шакллантира олмаяпти, чунки Ральфни кийиниш хонасида ҳеч қандай ҳурмати йўқ.

"Менга Ральф мутлақ фирибгардек туюлади. У "МЮ"да нима қилаётганини тушунмайман. У мактаб ўқитувчисига ўхшайди. Унга ўхшаган одам мени болаликдаги мураббийим эди.

Футболчилар бу одамга тўғри қарашмаяпти. Ҳатто уни майдон четида томоша қилиш ҳам кулгули. Мен "Манчестер Юнайтед"да ҳеч қачон бундай нарсани кўрмаганман. Рангник бутунлай ақлсиз кўринмоқда, бутунлай йўқолгандек кўринмоқда, футболчилар эса ўз мураббийларига ишонмайди.

Буни уларнинг майдондаги ҳатти-ҳаракатларидан ҳам билиб олса бўлади. Футболчилар ҳатто ўзларига ҳам ишонишмаяпти. Уларга ҳақиқий мураббий керак, топ-савиядаги мураббий керак ва шунда уларнинг ўйинида ўсиш бўлади, натижа бўлади", — деди О'Хара talkSPORT билан суҳбатда.