"Fiorentina" klubi bosh murabbiyi Vinchenso Italyano A Seriyasining 26-turida "Atalanta" ustidan qo‘lga kiritilgan g‘alabasi haqida fikrlari bilan o‘rtoqlashdi.
"Ochkolar jamg‘arish borasidagi rejamiz asosida ketyapmiz. Vlaxovich ketganidan keyin jamoa hujumkorlikni yo‘qotadi deb qo‘rqqandim, ammo biz bu yo‘qotishni mukammal tarzda qopladik.
Agar oldimizda turgan uchta o‘yinda g‘alaba qozonsak, u holda yevrokuboklarga yo‘llanma beradigan o‘rinlar uchun kurashsak bo‘ladi. Klub Prezidenti menga o‘tgan mavsumda kiritgan ochkolarimiz sonini ikki barobarga oshirsak, bu katta muvaffaqiyat bo‘lishini aytdi. O‘ylaymanki, jamoamiz buni uddalay oladi. Qancha ko‘p ochko jamg‘arsak — futboldan shuncha ko‘p zavq olamiz", — dedi murabbiy.
