"Фиорентина" клуби бош мураббийи Винченцо Итальяно А Сериясининг 26-турида "Аталанта" устидан қўлга киритилган ғалабаси ҳақида фикрлари билан ўртоқлашди.
"Очколар жамғариш борасидаги режамиз асосида кетяпмиз. Влахович кетганидан кейин жамоа ҳужумкорликни йўқотади деб қўрққандим, аммо биз бу йўқотишни мукаммал тарзда қопладик.
Агар олдимизда турган учта ўйинда ғалаба қозонсак, у ҳолда еврокубокларга йўлланма берадиган ўринлар учун курашсак бўлади. Клуб Президенти менга ўтган мавсумда киритган очколаримиз сонини икки баробарга оширсак, бу катта муваффақият бўлишини айтди. Ўйлайманки, жамоамиз буни уддалай олади. Қанча кўп очко жамғарсак — футболдан шунча кўп завқ оламиз", — деди мураббий.
