"Lids" bosh murabbiyi Marselo Byelsa jamoasining himoyadagi harakatlarini tanqid qildi. U shunday deydi:
"Biz o‘yinlarda yaxshiroq himoyalanishga o‘rganishimiz darkor. "MYU"ga qarshi Kalvin Fillips hamda Robin Koxni zahiraga olganimizdan keyin, himoya zaiflashdi. Bu yarim himoyaga ham ta’sir qildi. Chunki markazdagi Paskal mudofaa ishlariga yordam berishga majbur bo‘ldi. Tayanch yarim himoyasidagi futbolchilar o‘z ishini bajarishga qiynaldi. Maydonning u yerida to‘pni olib qo‘yish borasida muammolar bor edi. Shu sabab, gollar o‘tkazish davom etdi".
Eslatib o‘tamiz, "Lids" kelayotgan turni "Liverpul"ga qarshi o‘tkazadi.
