«Manchester Siti» bosh murabbiyi Xosep Gvardiola joriy mavsum APLdagi chempionlik uchun kechadigan kurash haqida gapirdi.
«Bir necha hafta oldin chempion bo‘lish uchun ko‘p ochko to‘plashimiz kerakligini aytgandim. Biz shunga harakat qilamiz. Men hech qachon chempionlik poygasi tugadi, deb aytmaganman.
Yanvar va fevral oylarida ta’qibchilarimiz bizdan ko‘ra ko‘proq g‘alaba qozonishdi. Endi bizga qiyin bo‘ladi, buni bilamiz. Lekin, «Man Siti» hech qachon chekinmaydi», - deya ispaniyalik mutaxassisning so‘zlarini keltiradi Goal.com.
«Siti» ayni damda «Liverpul»dan 6 ochko oldinda, ammo «qizillar» hisobida bitta qoldirilgan o‘yini bor.
