Italiyaning "Napoli" jamoasi chap qanot vingeri Lorenso Insinye klubning bir nechta o‘yinini o‘tkazib yuborishi mumkin. Bu haqida "Mundo Deportivo" nashri xabar berdi.

Ma’lumotlarga ko‘ra, "Napoli" sardori kechagi umumiy guruh mashg‘ulotlarida o‘ng sonidan jarohat olgan.

U bugungi "Kalyari"ga qarshi o‘yinda ishtirok eta olmaydi. Katta ehtimol, "Barselona"ga qarshi bahsni ham o‘tkazib yuboradi.

Qayd etish joiz, 30 yoshli italiyalik hujumchi A Seriyaning joriy mavsumida 20 o‘yinda maydonga tushib, 6 gol va 5 golli uzatmani amalga oshirdi.