Xorijda o‘tkazilgan o‘quv-mashg‘ulot yig‘inidan keyin Bekobodning “Metallurg” jamoasi o‘yinchilariga uch kunlik ta’til berilgandi. Bugun murabbiylar shtabi va futbolchilar Bekobod shahrida jamlanishdi va yangi mavsumga so‘nggi tayyorgarlik yig‘iniga kirishishdi.
Futbolchilarning barchasi sog‘ salomat, kayfiyatlari ko‘tarinki. Oxirgi yig‘inning dastlabki kuni murabbiylar shtabi futbolchilarga yengil yuklama berish bilan cheklanishdi. Ertadan esa to‘laqonli mashg‘ulotlarga kirishiladi.
Shu o‘rinda, qishki yig‘in davomida jarohat olgan Islombek Isoqjonov hamda O‘zbekiston U-20 terma jamoasi yig‘iniga chaqirilgan Shahzodbek Ne’matjonov hamda Humoyunshoh Sayyotovlar mashg‘ulotlarda qatnashmayotganligini aytib o‘tish kerak. Futbolchilar 27 fevral sanasida klub ixtiyoriga yetib keladi.
