Angliyaning amaldagi vise-chempioni «Manchester Siti» klubi «Nyukasl» yarim himoyachisi Sandro Tonali hamda «Nottingem Forest» xavbeki Elliot Andersonni sotib olishni rejalashtirmoqda. Bu haqda The Athletic nashri xabar bermoqda.
«Shaharliklar» Andersonning transferi bo‘yicha allaqachon anchadan beri muzokaralar olib borishmoqda, biroq manbaning ta’kidlashicha, endi ular Tonalini ham o‘z saflariga qo‘shib olmoqchi. Ayni paytda italiyalik futbolchining transferiga Londonning «Tottenxem» klubi juda yaqin turibdi, ammo «Manchester Siti» bitimni buzib, futbolchini ilib ketishga tayyor.
Xabar qilinishicha, «Manchester Siti» Tonali va Andersonni sotib olish uchun taxminan 311 million yevro sarflashi mumkin.
Ortda qolgan mavsumda Tonali barcha musobaqalarda 53 ta uchrashuvda maydonga tushib, 3 ta gol urdi va 7 ta golli uzatmani amalga oshirdi.
Anderson esa 50 ta o‘yinda ishtirok etib, o‘z hisobiga 4 ta gol va 5 ta assist yozdirib qo‘ygan.
