«Real» allaqachon bir nechta futbolchilarni, xususan Bernardu Silvani o‘z safiga qo‘shib oldi. Madrid superklubining maydon markazini kuchaytirish bo‘yicha rejalari shu bilan cheklanib qolmaydigan ko‘rinadi. The Touchline nashrining Marca gazetasiga tayanib xabar berishicha, «qaymoqranglilar» bosh murabbiyi Joze Mourinyo klub rahbariyatidan Enso Fernandesni sotib olishni so‘ragan. Endi «Real» argentinalik yulduzning transferiga erishish uchun harakat boshlaydi.
Eslatib o‘tamiz, «Chelsi» yil boshida Enso Fernandes uchun 121 million yevro to‘lagan edi. 25 yoshli futbolchining London klubi bilan uzoq muddatli shartnomasi mavjud bo‘lib, u 2032 yilning o‘rtalariga qadar mo‘ljallangan.
Transfermarkt portali Fernandesning transfer qiymatini 90 million yevroga baholamoqda.
