Madridning «Real» klubi «Manchester Siti» sobiq yarim himoyachisi Bernardu Silvaning erkin agent maqomida jamoaga o‘tganini e’lon qildi.

Superdeporte nashrining xabar berishicha, transferning bepul amalga oshganiga qaramay, Madrid klubi portugaliyalik futbolchi uchun baribir katta miqdorda mablag‘ sarflashiga to‘g‘ri keladi. «Qaymoqranglilar» futbolchining maoshi, soliqlar va agentlik vositachilik haqlari (komissiya to‘lovlari) uchun umumiy hisobda taxminan 100 million yevro to‘lashlari kerak bo‘ladi.

Bernardu Silva 2017 yildan buyon «Manchester Siti» sharafini himoya qilib kelayotgan edi. U «shaharliklar» tarkibida barcha musobaqalarda jami 460 ta uchrashuvda maydonga tushib, 76 ta gol urdi va 77 ta golli uzatmani amalga oshirdi. Manchester klubi safida portugaliyalik futbolchi 20 ta sovrinni qo‘lga kiritgan.