«Pari Sen-Jermen» va Braziliya terma jamoasi hujumchisi Neymar professional faoliyatini yakunlaganidan keyin nima bilan shug‘ullanishni hohlashini aytdi.
«Menda aniq reja yo‘q, lekin ba’zi narsalarni o‘zim uchun belgilab qo‘yganman. Men sportga umuman aloqador bo‘lmagan sohalar haqida ko‘proq o‘ylayman, chunki futbol sohasida ishlashim juda qiyin. Direktorlik men uchun emas, chunki biror klubni boshqara olaman deb o‘ylamayman. Murabbiyning ishi ham menga to‘g‘ri kelmaydi - men juda emosionalman.
Menga video o‘yinlar juda yoqadi, men bu variantni istisno qilmayman. Albatta, futbol sohasida ishlamayman, lekin barcha variantlarni ko‘rib chiqish kerak», - deydi Neymar.
