Madridning «Real» klubi prezidenti Florentino Peres jamoa yarim himoyachilari Federiko Valverde va Orelyen Tchuameni o‘rtasidagi janjalga munosabat bildirdi.

— Bu futbolchilar o‘rtasidagi birinchi mushtlashuv emas. Ular deyarli har mavsumda janjallashib turadi, chunki bir-birini ruhlantirishadi.

Futbolchilar o‘rtasidagi janjal juda yomon holat bo‘ldi, ammo bu haqda matbuot bilib qolgani undan ham yomoni. Bunday holatlar har yili, hatto bir necha marta sodir bo‘lardi, lekin avval hech qachon ma’lumot tashqariga chiqmagan. Bu birinchi marta, — dedi Peres matbuot anjumanida.

Eslatib o‘tamiz, 7 may, payshanba kuni mashg‘ulot paytida Federiko Valverde va Orelyen Tchuameni o‘rtasida og‘zaki tortishuv kelib chiqqan va keyinchalik u kiyinish xonasida mushtlashuvga aylangani haqida xabarlar tarqalgan edi.

Ushbu to‘qnashuv natijasida urugvaylik futbolchi bosh qismida jarohat olgan va shifoxonaga olib ketilgan. Har ikki futbolchi 500 ming yevro miqdorida jarimaga tortilgan.