«PSJ» «Chelsi» yarim himoyachisi Ngolo Kanteni sotib olmoqchi. Fransiyalik futbolchi Parij klubining asosiy transfer maqsadi hisoblanadi. Bu haqda turkiyalik jurnalist Ekrem Konur xabar berdi.

O‘z navbatida, «Chelsi» mavsum yakuniga qadar Kante bilan yangi shartnoma imzolashga harakat qiladi. Amaldagi shartnoma 2023 yilning iyunida tugaydi.

Transfermarkt nashri Kanteni 50 million yevroga baholamoqda. Fransiyalik futbolchi joriy mavsum klub safida 24 ta o‘yinda maydonga tushib, 2 ta gol va 2 ta golli uzatmani amalga oshirdi.