«Tottenxem» bosh murabbiyi Antonio Konte hujumchi Xarri Keyn va darvozabon Ugo Loris bilan birga ishlash haqidagi taassurotlari bilan o‘rtoqlashdi. Italiyalik mutaxassis bu futbolchilarni qadrlash kerakligini aytdi.
«Bir kuni italiyalik sport direktori Korvino shunday degan edi: "Siz turmush o‘rtog‘ingiz borasida xato qilishingiz mumkin, ammo darvozabon va hujumchi haqida emas." Menimcha, bu siz futbolni tushunishingiz mumkin bo‘lgan eng yaxshi iboradir. Keyn va Lyorisni "Tottenxem" juda qadrlashi shart", - dedi Konte matbuot anjumanida.
Eslatib o‘tamiz, Premer-liganing so‘nggi turida «Tottenxem» safarda «Manchester Siti»ni 3:2 hisobida mag‘lub etdi.
