Daniya terma jamoasi va Londonning «Tottenxem» klubi yarim himoyachisi Pyer-Emil Xeyberg faoliyatini Italiya A seriyasida davom ettirishi mumkin, deb xabar beradi Football Insider.

Manbaga ko‘ra, daniyalik futbolchi «Roma»ning yozgi transfer oynasidagi asosiy maqsadi hisoblanadi.

Qayd etilishicha, kelishuv rimliklarga 25 million yevroga tushishi mumkin.

Xeyberg joriy mavsumda «shporlar» safida barcha turnirlarda 32 ta o‘yinda maydonga tushib, 3 ta gol va 3 ta golli uzatmani amalga oshirdi.

Eslatib o‘tamiz, o‘tgan mavsumda futbolchi Mourinyo qo‘l ostida o‘ynagan edi.