Дания терма жамоаси ва Лондоннинг «Тоттенхэм» клуби ярим ҳимоячиси Пьер-Эмиль Хейберг фаолиятини Италия А сериясида давом эттириши мумкин, деб хабар беради Football Insider.
Манбага кўра, даниялик футболчи «Рома»нинг ёзги трансфер ойнасидаги асосий мақсади ҳисобланади.
Қайд этилишича, келишув римликларга 25 миллион еврога тушиши мумкин.
Хейберг жорий мавсумда «шпорлар» сафида барча турнирларда 32 та ўйинда майдонга тушиб, 3 та гол ва 3 та голли узатмани амалга оширди.
Эслатиб ўтамиз, ўтган мавсумда футболчи Моуриньо қўл остида ўйнаган эди.
