«Roma» bosh murabbiyi Joze Mourinyo A ceriyaning 26-turidan o‘rin olgan «Roma» – «Verona» (2:2) uchrashuvida bosh hakamni haqorat qilgani uchun 2 o‘yinga diskvalifikasiya va 20 ming yevro miqdorida jarimaga tortildi. Bu haqda Football Italia nashri xabar bermoqda.
Shanba kunii bo‘lgan «Verona»ga qarshi bahsning ikkinchi bo‘limda portugaliyalik mutaxassis maydondan chetlatildi. Mourinyo uchrashuv bosh hakami Luka Payrettoga quyidagi jumlalarni aytib baqirdi: «Seni bu yerga hakamlik qilish uchun qo‘yishgan. Seni «Yuventus» yollagan».
Shuningdek, u bosh hakamga telefon qo‘ng‘irog‘i bilan murojaat qildi. Portugaliyalik bu ishora bilan 2006 yilda Italiya futbolidagi korrupsiya mojarosiga ishora qildi.
