«Рома» бош мураббийи Жозе Моуриньо А cериянинг 26-туридан ўрин олган «Рома» – «Верона» (2:2) учрашувида бош ҳакамни ҳақорат қилгани учун 2 ўйинга дисквалификация ва 20 минг евро миқдорида жаримага тортилди. Бу ҳақда Football Italia нашри хабар бермоқда.

Шанба кунии бўлган «Верона»га қарши баҳснинг иккинчи бўлимда португалиялик мутахассис майдондан четлатилди. Моуриньо учрашув бош ҳаками Лука Пайреттога қуйидаги жумлаларни айтиб бақирди: «Сени бу ерга ҳакамлик қилиш учун қўйишган. Сени «Ювентус» ёллаган».

Шунингдек, у бош ҳакамга телефон қўнғироғи билан мурожаат қилди. Португалиялик бу ишора билан 2006 йилда Италия футболидаги коррупция можаросига ишора қилди.