Okdiario nashri xabariga ko‘ra, «Arsenal» Madridning «Atletiko» klubi hujumchisi Joau Feliksga qiziqish bildirmoqda.

Manbaning xabariga ko‘ra, ingliz klubi yozgi transfer oynasida futbolchi sotib olmoqchi. Biroq futbolchini sotib olish oson bo‘lmaydi, chunki «Atletiko» futbolchi uchun katta pul talab qiladi. Uch yil avval madridliklar Joau uchun 127 million yevro to‘lagandi.

22 yoshli Feliks joriy mavsumda «Atletiko» safida barcha turnirlarda 24 ta o‘yinda maydonga tushib, 4 ta gol va 5 ta golli uzatmani amalga oshirdi. Uning klub bilan shartnomasi 2026 yilning yoziga qadar mo‘ljallangan.