Okdiario нашри хабарига кўра, «Арсенал» Мадриднинг «Атлетико» клуби ҳужумчиси Жоау Феликсга қизиқиш билдирмоқда.
Манбанинг хабарига кўра, инглиз клуби ёзги трансфер ойнасида футболчи сотиб олмоқчи. Бироқ футболчини сотиб олиш осон бўлмайди, чунки «Атлетико» футболчи учун катта пул талаб қилади. Уч йил аввал мадридликлар Жоау учун 127 миллион евро тўлаганди.
22 ёшли Феликс жорий мавсумда «Атлетико» сафида барча турнирларда 24 та ўйинда майдонга тушиб, 4 та гол ва 5 та голли узатмани амалга оширди. Унинг клуб билан шартномаси 2026 йилнинг ёзига қадар мўлжалланган.
