Krishtianu Ronaldu o‘zining yorqin faoliyati davomida “Atletiko Madrid”ning haqiqiy “ajali” hisoblanadi.
Krishtianu va “Atletiko Madrid”
"Atletiko"ga qarshi Ronalduning natijalari o‘zi uchun gapiradi. U o‘zining sobiq poytaxtlik raqibi bilan Ispaniyada 35 marta to‘qnash keldi, bu butun faoliyati davomida boshqa raqiblarga qaraganda ko‘proq, ular bilan o‘yinlarda 25 ta gol urdi va bu uchrashuvlarni 9 ta golli uzatma bilan yakunladi. 25 ta goldan iborat ushbu ro‘yxatga to‘rtta xet-trik kiritilgan bo‘lib, ulardan ikkitasini u Chempionlar ligasi pley-off bosqichida kiritgan.
2014 va 2019 yillar oralig‘ida "Atletiko Madrid" yutqazgan har bir Chempionlar Ligasida Krishtianu Ronaldu bo‘lgan jamoaga qarshi bo‘lgan. U 120-daqiqada penaltidan gol urdi va 2014 yilgi Chempionlar ligasi finalida “Real Madrid”ning Lissabonda “Atletiko” ustidan qozonilgan g‘alabda munosib hisssa qo‘shdi. Bu uzoq kutilgan sovrin edi.
2016 yilda Krishtianu Milanda hal qiluvchi penaltini aniq amalga oshirdi. "Real Madrid" Chempionlar ligasi finalida yana bir bor shaharlik raqiblarini mag‘lub etdi. O‘sha oqshom Krishtianu asosiy vaqtda gol ura olmadi. Ammo, har doimgidek, CR7 hal qiluvchi hissani qo‘shdi.
Krishtianu "Real"dan "Yuventus"ga o‘tganida, u "Atletiko Madrid" uchun qo‘rqinchli tush bo‘lib qolishda davom etdi. 2019 yilning mart oyida madridliklar 1/8 finalning birinchi o‘yinida turinliklarni 2:0 hisobida mag’lub etdi, biroq javob o‘yinida CR7ning ajoyib xet-triki evaziga jamoa kryingi bohqichga yol oldi.
Krishtianuning "Atletiko"ga qarshi o‘yindagi boshqa xetrigiga 2017 yilgi Chempionlar ligasi yarim finalida, ya’ni Los Blankos finalda "Yuventus"ni mag‘lub etgan mavsumda erishgan. Bugun tunda u ular bilan 36 marta to‘qnash keladi va birinchi marta "Manchester Yunayted"ning tarkibida.
