«Barselona» «Ayaks» yarim himoyachisi Rayan Gravenberx va «Milan» futbolchisi Frank Kessyega qiziqish bildirmoqda, deb xabar beradi  Mundo Deportivo.

Nashrning yozishicha, ispan klubi Gravenberxani Serxio Busketsning o‘rniga o‘rinbosar sifatida ko‘rmoqda. 19 yoshli futbolchiga «Real» va «Bavariya»  klublari ham qiziqish bildirmoqda.

25 yoshli Kessye ham «Barsa» e’tiboriga tushdi, chunki uning «Milan» bilan shartnomasi 2021 yilning yozida tugaydi va klub futbolchini erkin agent sifatida qo‘lga kiritmoqchi.

Gravenberx joriy mavsumda «Ayaks» tarkibida 30 ta o‘yinda maydonga tushib, 1 ta gol va 4 ta golli uzatmani amalga oshirdi. Futbolchining klub bilan shartnomasi 2023 yilning yoziga qadar tuzilgan.

2021/22 yilgi mavsumda Kessye «Milan» safida 25 ta o‘yinda maydonga tushib, 6 ta gol va 1 ta golli uzatmani amalga oshirgan. Transfermarkt portali futbolchining narxini 48 million yevroga baholamoqda.