«Tottenxem» yarim himoyachisi Rodrigo Bentankur yangi klubga moslashish jarayoni haqida gapirdi.
«Men juda yaxshi mashg‘ulot o‘tkazmoqdaman, lekin, hali qiladigan ishlarim ko‘p. Mening maqsadim kundan-kunga yaxshilanib borish, bor kuchimni berish va jamoadoshlarimga yordam berish. Umid qilamanki, hammasi men o‘ylagandek bo‘ladi.
Konte? «Manchester Siti»ni mag‘lub etgandan so‘ng, Konte futbol uchun yashayotganini va bu ishtiyoqni o‘z o‘yinchilariga berishini ko‘rish mumkin edi. Men bu yerda ekanligimdan va u bilan ishlayotganimdan juda xursandman», — deya Bentankur so‘zlarini keltiradi Sky Sport Italia.
Ma’lumot o‘rnida, 24 yoshli urugvaylik futbolchi «Tottenxem» safida beshta o‘yin o‘tkazishga ulgurdi.
