«PSJ» bosh murabbiyi Maurisio Pochettino mavsumning katta qismida jarohatlar bilan bog‘liq muammolarga duch kelayotgan himoyachi Serxio Ramosni qo‘llab-quvvatlashini bildirdi.
«Serxio maydonga tusha olmayotgani uchun bizdan ko‘ra ko‘proq azoblanmoqda. Unga yordam berishga harakat qilamiz. Jamoada zo‘r tibbiy xodimlar bor, ular vaziyatni yengib o‘tishi uchun Ramosga katta yordam qilmoqda», - deya Pochettinoning so‘zlarini keltiradi «PSJ» matbuot xizmati.
Joriy mavsumda Ramos Parij klubi safida atigi beshta o‘yinda maydonga tushdi.
