Bugun, 27 fevral kuni rasman O‘zbekistondagi futbol musobaqalariga start berildi. Superkubok uchun kechgan uchrashuvda Toshkentning “Paxtakor” jamoasi Qarshining “Nasaf” klubiga qarshi maydonga tushdi.
O‘yin dastlabki daqiqalardan boshlab teng kurashlar ostida kechdi. Har ikki jamoa ham raqib darvozalari oldida ketma-ket hujum uyushtirishga harakat qildi.
O‘yindagi birinchi xavfli hujum 9-daqiqada yuz berdi. “Ajdarlar” hujumchisi Husayn Norchayev “Paxtakor” himoyachilarini aldab zarba berishga urunib ko‘rdi, biroq u tepgan to‘pni Eldorbek Suyunov egallab oldi.
11-daqiqaga kelib, qarshiliklar yana hujum uyushtirishdi. Nasrullayevning chap qanotdan uzatib bergan to‘piga Marko Stanoyevich aniq zarba bera olmadi.
12-daqiqada “Paxtakor” himoyachisi Farrux Sayfiyev ogohlantirildi. U chap qanot bo‘ylab hujum uyushtirayotgan “Nasaf” futbolchisini qo‘pollik bilan to‘xtatib qoldi.
19-daqiqada qarshiliklar futbolchisi Marko Stanokvich ogohlantirildi. “Nasaf” legioneri Farrux Sayfiyevga nisbatan qoida buzdi.
Taym o‘rtalariga kelib biroz ustunlik toshkentlik futbolchilar tomoniga o‘tdi. “Paxtakor” 23, 25, 30-daqiqalarda xavfli hujum uyushtirishdi.
40-daqiqada “Paxtakor” himoyachilarining yo‘l qo‘ygan xatosidan “Nasaf” o‘yindagi hisobni ochishi mumkin edi, ammo Husayn Norchayev imkoniyatdan foydalana olmadi. Ushbu vaziyatda Eldorbek Suyunov vaqtida to‘pga chiqib, jamoasini goldan saqlab qoldi. Shuningdek, Eldor ushbu vaziyatda jarohat oldi va maydonni erta tark etdi. Uning o‘rniga Sanear Quvvatov tushdi.
Birinchi taym 0:0 hisobida yakunlandi.
Ikkinchi taym “Nasaf” ustunligida boshlandi. “Ajdarlar” ketma-ket hujum uyushtirishdi. Lekin hisob “Paxtakor” futbolchilari tomonidan ochildi.
61-daqiqada “sherlar” futbolchisi Farrux Sayfiyev chap qanotdan uzatib bergan to‘pni Cheran gol bilan yakunladi.
69-daqiqada “Nasaf” gol urishi mumkin edi. Lekin Husayn Norchayev Sanjar Quvvatovning xatosidan unumli foydalana olmadi.
Goldan so‘ng “ajdarlar”ning hujumi jonlandi. Qarshi klubi ketma-ket “Paxtakor” jarima maydonchasi atrofida hujum uyushtirishdi. Ba’zida darvozabon, ba’zida himoyachilar qarshiliklar hujumini bartaraf etishdi.
Qolgan daqiqalarda har ikki jamoa ham ketma-ket hujum uyushtirishdi, ammo gol urish ikki jamoaga ham nasib qilmadi.
Shu tariqa “Paxtakor” 2022 yilgi O‘zbekiton Superkubogi sohibiga aylandi.
“Paxtakor” – “Nasaf” — 1:0
Gol: Dragan Cheran 61 - 1:0
“Paxtakor” — Eldor Suyunov (Sanjar Quvvatov - 45), Hojiakbar Alijonov, Farruh Sayfiyev, Sardor Sobirxo‘jayev (Sharkich), Aleksey Larin, Kamen Xadjiyev, Odil Hamrobekov, Ikrom Aliboyev, Sardor Rashidov (Erkinov), Sardor Sobirxo‘jayev, Aziz Turg‘unboyev, Dragan Cheran.
Zaxira: Roziyev, Erkinov, Xolmatov, Ergashboyev, Fayzullayev, Yoqubov, Mirahmadov, Sharkich.
“Nasaf” — Umid Ergashev, Dilshod Saitov, G‘olib G‘aybullayev, Umar Eshmurodov, G‘olib G‘aybullayev, Sherzod Nasrullayev, Akmal Mozgovoy, Marko Stanoyevich (Abduraximov), Akmal Mozgovoy, Ivan Solovyov (Xolmurodov), Sharof Muhidinov, Suhrob Nurulloyev (Aliqulov), Husayn Norchayev.
Zaxira: Soyibov, Ne’matov, Davronov, Aliqulov, Rahmatov, Abdurahimov, Akramov, Sa’dullayev, Xolmurodov.
Ogohlantirish: Farruh Sayfiyev, 12, Marko Stanoyevich, 19, Ikrom Aliboyev, 53, Quvvatov, 76, Cheran, 84, Hamrobekov 86
