“Manchester Siti” hujumchisi Gabriel Jezus faoliyatini Italiya A seriyasida davom ettirishi mumkin. Bu haqda “todofichajes” nashri xabar bermoqda.
Manbaga ko‘ra, braziliyalik futbolchiga Milanning «Inter» klubi qiziqish bildirmoqda. Ta’kidlanishicha, Jezus yozda “neradzurrilar” safini tark etishi mumkin bo‘lgan Lautaro Martinesga o‘rinbosar sifatida ko‘rilmoqda.
Gabriel “shaharliklar” safida unchalik yaxshi o‘yin ko‘rsata olmayapti. Futbolchi joriy mavsum ingliz klubining APL doirasidagi 20 ta o‘yinida maydonga tushib, 2 gol va 7 ta golli uzatma muallifiga aylangan.
Ma’lumot o‘rnida, Jezusning «Man Siti» bilan shartnomasi 2023 yilning yozigacha amal qiladi.
