“Манчестер Сити” ҳужумчиси Габриэль Жезус фаолиятини Италия А сериясида давом эттириши мумкин. Бу ҳақда “todofichajes” нашри хабар бермоқда.

Манбага кўра, бразилиялик футболчига Миланнинг «Интер» клуби қизиқиш билдирмоқда. Таъкидланишича, Жезус ёзда “нерадзуррилар” сафини тарк этиши мумкин бўлган Лаутаро Мартинесга ўринбосар сифатида кўрилмоқда.

Габриэль “шаҳарликлар” сафида унчалик яхши ўйин кўрсата олмаяпти. Футболчи жорий мавсум инглиз клубининг АПЛ доирасидаги 20 та ўйинида майдонга тушиб, 2 гол ва 7 та голли узатма муаллифига айланган.

Маълумот ўрнида, Жезуснинг «Ман Сити» билан шартномаси 2023 йилнинг ёзигача амал қилади.