FIFA Ijroqo‘m byurosi Rossiyaning Ukraina hududida olib borayotgan jangovar harakatlari borasida bayonot berdi:

Avvalo Rossiyaning Ukrainaga nisbatan bosqinchilik harakatini qoralaymiz. Tomonlarni tinchlik o‘rnatishga va o‘zaro muzokaralarni boshlashga chaqiramiz.

Xalqaro olimpiya qo‘mitasining tavsiyalari asosida quyidagilar qabul qilindi:

- Rossiya hududida hech qanday xalqaro musobaqalar o‘tkazilishi mumkin emas. Rossiyaning barcha uy uchrashuvlari neytral maydonda va muxlislarsiz o‘tkaziladi;

- Rossiya terma jamoasi Rossiya futbol ittifoqi nomi ostida ishtirok etishi kerak;

- O‘yinlar paytida Rossiya bayrog‘i va madhiyasidan foydalanish mumkin emas;

FIFA qo‘shimcha chora va sanksiyalar qo‘llash maqsadida Xalqaro olimpiya qo‘mitasi, UYEFA va boshqa sport tashkilotlari bilan maslahatlashishda davom etadi. Agar vaziyat keskin o‘zgarmasa, Rossiya yaqin oradagi musobaqalardan chetlatilishi mumkin;

JCH-2022 saralash bosqichidan o‘rin olgan o‘yinlar borasida esa FIFA Polsha, Shvesiya va Chexiya futbol federasiyalarining munosabatini inobatga oladi hamda bu federasiyalar bilan muzokaralar boshlandi. Yakuniy qaror qabul qilish uchun FIFA ular bilan yaqin aloqada bo‘ladi.