ФИФА Ижроқўм бюроси Россиянинг Украина ҳудудида олиб бораётган жанговар ҳаракатлари борасида баёнот берди:

Аввало Россиянинг Украинага нисбатан босқинчилик ҳаракатини қоралаймиз. Томонларни тинчлик ўрнатишга ва ўзаро музокараларни бошлашга чақирамиз.

Халқаро олимпия қўмитасининг тавсиялари асосида қуйидагилар қабул қилинди:

- Россия ҳудудида ҳеч қандай халқаро мусобақалар ўтказилиши мумкин эмас. Россиянинг барча уй учрашувлари нейтрал майдонда ва мухлисларсиз ўтказилади;

- Россия терма жамоаси Россия футбол иттифоқи номи остида иштирок этиши керак;

- Ўйинлар пайтида Россия байроғи ва мадҳиясидан фойдаланиш мумкин эмас;

ФИФА қўшимча чора ва санкциялар қўллаш мақсадида Халқаро олимпия қўмитаси, УЕФА ва бошқа спорт ташкилотлари билан маслаҳатлашишда давом этади. Агар вазият кескин ўзгармаса, Россия яқин орадаги мусобақалардан четлатилиши мумкин;

ЖЧ-2022 саралаш босқичидан ўрин олган ўйинлар борасида эса ФИФА Польша, Швеция ва Чехия футбол федерацияларининг муносабатини инобатга олади ҳамда бу федерациялар билан музокаралар бошланди. Якуний қарор қабул қилиш учун ФИФА улар билан яқин алоқада бўлади.