"Barselona" bosh murabbiyi Xavi Ispaniya chempionatining 26-turi doirasida bo‘lib o‘tgan Balbaoning «Atletik» klubiga qarshi o‘yin (4:0) borasida o‘z fikrini bildirib o‘tdi.
O‘yin haqida
«Men shunday bo‘lishini kutgandim. Chunki jamoa o‘yindan o‘yinga yaxshilanib bormoqda. Futbolchilar mashg‘ulotlarda yaxshi ishtirok etishmoqda. Biz sifatli o‘yin namoyish etdik, yaxshi himoyalandik va to‘pni yo‘qotganimizdan keyin pressingda yaxshi ishtirok etdik. Hissiyotlar ajoyib, shuning uchun ham ishlayapmiz. Barchasi uchun xursandman. «Barselona» uchun xursandman.
Dembele haqida
«U klubda qoladimi yoki yo‘qmi, bu mening ishim emas. U yaxshi ishlamoqda. Shuning uchun uni himoya qilyapman. U qobiliyatli yigit. Uni turli pozisiyalarda — chap, o‘ng, gol uradigan, pas beradigan joylarda o‘ynatish variantlarini ko‘rib chiqyapman».
Sovrin uchun kurash haqida
«Ayni paytda hech narsani istisno qilmaymiz, ammo «Real» kuchli ekanini bilamiz. Jadvalda ko‘tarilishimiz kerak. Hamon 4-pog‘onadamiz va 3-o‘ringa chiqishimiz zarur», – dedi Xavi.
