«Monako» yarim himoyachi Orelyen Tchuameni «Barselona»ga o‘tmasa kerak.
Kataloniya klubi 22 yoshli fransiyalik futbolchining transferini amalga oshirmoqchi edi. Shu sabab «ko‘k-anorranglilar» futbolchining qiymatini bilish uchun bir necha bor fransuz klubi vakillari bilan bog‘lanishgan. «Monako» rahbariyati Tchuamenini 60 million yevrodan kamiga qo‘yib yubormoqchi emas. «Barselona» yarim himoyachi uchun bu summani to‘lay olmaydi, chunki ular «Borussiya Dortmund»dan Erling Xolandning transferi uchun katta pul sarflashni mo‘ljallamoqda.
Hozirda Tchuamenining transferi uchun asosiy davogarlar «Chelsi» va «Real» bo‘lib turibdi.
