«Монако» ярим ҳимоячи Орельен Тчуамени «Барселона»га ўтмаса керак.

Каталония клуби 22 ёшли франциялик футболчининг трансферини амалга оширмоқчи эди. Шу сабаб «кўк-анорранглилар» футболчининг қийматини билиш учун бир неча бор француз клуби вакиллари билан боғланишган. «Монако» раҳбарияти Тчуаменини 60 миллион евродан камига қўйиб юбормоқчи эмас. «Барселона» ярим ҳимоячи учун бу суммани тўлай олмайди, чунки улар «Боруссия Дортмунд»дан Эрлинг Холанднинг трансфери учун катта пул сарфлашни мўлжалламоқда.

Ҳозирда Тчуаменининг трансфери учун асосий давогарлар «Челси» ва «Реал» бўлиб турибди.