«Manchester Yunayted»ning sof qarzi bir yil ichida 39,3 million funtga oshgan.

The Guardian keltirgan moliyaviy hisobotga ko‘ra, 2021 yil 31 dekabr holatiga ko‘ra, qarz 494,8 million funt sterlingni tashkil qilgan, bir yil avval esa 455,5 million funt sterling qarz qayd etilgandi.

Bu moliyaviy natijaga klubning teletranslyasiyalardan tushgan daromadining kamayishi sabab bo‘ldi. «Manchester Yunayted» so‘nggi chorakda 2020/21 yilgi mavsumning shu davriga nisbatan 22,3 million funt (20,5 foiz) kam ishlab topdi.