Gonsalo Iguain tanqidni qanday yengishini aytib berdi.

Tanqiddan himoyalanish uchun nima qilasiz?

“Bunga moslashish kerak, aks holda ketish kerak bo‘ladi. Futbolchini maqtashdan ko‘ra ko‘proq tanqid qilishadi.

Hayotimda azob chekadigan paytlar bo‘ldi, lekin moslashgandan so‘ng, bu immunitetga ega bo‘lishni anglatmaydi, chunki tanqid har doim og‘riq keltiradi, lekin u boshqacha tarzda og‘riydi. Katta bo‘lgach, kimdan kelganini va nima maqsadda aytishlarini tushunasiz. Tanqidni boshqacha qabul qila boshlaysiz.

Men 15 yil davomida dunyoning eng yaxshi jamoalarida o‘ynadim, 300 dan ortiq gol urdim, uchta jahon chempionati va to‘rtta Amerika kubogida o‘ynadim. O‘z hayotini nima qilishni bilmay, hafsalasi pir bo‘lgan odamning gaplari menga qanday ta’sir qilishi mumkin? Aksincha, kulaman”, - deydi Iguain.