Sobiq UFC chempioni Konor Makgregor o‘zining "Tvitter"dagi rasmiy sahifasida «Chelsi»ni sotib olmoqchi ekanligini ma’lum qildi.
Mashhur shoumen va aralash yakkakurash jangchisi, albatta, jiddiy boylikka ega, ammo Premyer-liganing yetakchisini sotib olish uchun yetarli emas.
MakGregorning biznes sheriklari bor, ular orasida ko‘plab millionerlar va milliarderlar bor. Katta ehtimol bilan, irlandiyalik sportchi bu fikrni sheriklariga aytdi.
Yiliga milliardlab dollar aylanmasi bo‘lgan yirik xoldinglar yoki sportga qiziqqan hamda bir necha milliard dollar boylikka ega bo‘lgan juda badavlat odamlar bundan mustasno, «Chelsi»ni yakkaxon sotib olishga kam odamni qurbi yetadi. Sayyoramizda bunday odamlar ko‘p emas.
MakGregor hatto "Tvitter"dagi postiga "Vasap"dagi suhbatning skrinshotini ham ilova qilgan va u yerda «Chelsi»ni sotib olish g‘oyasini taklif qilgan. E’tiborlisi, Konor avvalroq «Manchester Yunayted»ga muxlislik qilishini tan olgandi.
